19 أغسطس، 2010

اقرارات علي الماشي

JAN29

اقرار 1
أقر أنا المذكور أعلاه ، الساكن في العنوان اياه ، باني اصبحت فانوس مسكور ، كان من نفسه يشع النور ، لاجل ما نبقي في هنا وسرور ، بس الناس حواليه مردوش ، ينور ولو بجاز مغشوش ، كسروا ازازه وكسروا اللمبة ، ومن غبوتهم عاشوا في ضلمه ،ومات الحلم وقلوبهم ظالمة ، يمكن يصحي لو شاف النور



اقرار 2

أقر أنا المذكور أعلاه ، الساكن في العنوان اياه ، باني كرهت الدنيا خلاص ،ومعدتش عارف الرجل من الراس، بدل الناس ما تحاكم الجاني ،عمال تخرف وتحتاس ، ياناس بطلوا خوف وسكوت ، قوموا اتحركوا قولوا بعلوا الصوت ، مش هنسيب حقنا يضيع ويفوت ، سلاحهم صمتنا .. قوتهم ضعفنا .. صمودهم ذلنا ، خلي عندكم نخوة وما تسبوش حقنا


اقرار 3

أقر أنا المذكور أعلاه ، الساكن في العنوان اياه ، بان الظلم خلاص انتشر ، ما بقاش من حاكم ده بقي من بشر ، من جهلهم حلمهم اتحشر ، في ماسورة كبيرة مالهاش نهاية ، ولا عارف يلاقي فسحاية ، يصرخ ويقول بعلو الصوت ، قوموا يا شعب قوموا يا ناس ، خدوا حقكم من اللي عليكوا داس ، بطلوا خوف وجهل وخلوا عندكم احساس ، ياتري في حد سامع ولا هو بيكلم بقر ؟؟؟؟؟

                                                            انتهت الاقرارات